袋袋平安

終於的起心肝買番個摺車袋，係時候去下其他地方踏下。係Yahoo Bid用佰五蚊買的全新Dahon原廠車袋，架車換左SDG i-beam座位同seat通，也換左MKS快拆bearing腳踏都輕左1kg。個bearing踏真係好順同好咬腳，只是有時反轉左底面時要轉番好佢就最咬腳～等條呔蝕得七七八八就可以換埋幼呔，令架車可以再輕Ｄ，磨擦面細左咁架車更好去更省力。星期日預定同阿chris Alvin去沙田踩車去大埔，好耐都無係沙田踩單車嚕，好懷念中學成日踩住架車同班死黨周圍去～買舊brake膠又去大圍，買條迫力線又去大埔，總知濕之娃娃想買都當籍口去踩餐飽！