附送讀物

適逢君子雜誌創刊20週年和agnis b.打交叉，隨書送出兩個限量版布章。靚喎！雖然這本既野我無乜興趣但....買~陶出四十大元就是了這兩個限量版布章嚕，隨章附送既君子雜誌不用三分鐘快立完，像日本那些潮流讀物時常都隨書附送一些crossover精品(當然也有垃圾)，時常都係妹仔大過主人婆。今次這兩個章算是不俗嚕！好過成日送護膚sample丫，香港人鐘意小便宜嘛～我都幾地架u_u'

好鍊有用

有用鍊油同無用錬油，踩踏轉速分別頗大的！之前用開Finish Line Wax，我覺得吾可叫油嚕，基本成份係蠟，滴Ｄ響地下乾左真係一pat蠟黎。呢支黎，用左會好順好靜又吾黏塵，不過效用吾長一日行程貨仔，冬天梗加無料到，果頭落完齊空轉一陣巳經無用。睇番個樽有兩個icon仔，一個太陽同一舊雲，即是陰晴下用連雨天都不能！試下新野Finish Line ProRoad - Ceramically，主成份Ceramic（陶），Ceramic多在單車高階傳動的零部件上大量使用，什麼Ceramic Bearing、BB芯、hub等。Ceramic錬油真係要試下先，天豐買回來60蚊一支。橫掂要洗錬，今次想洗清Ｄ，來個大肢解吧！先拆下後輪，再打開錬條快拆扣，將整條錬用松節水浸洗一下，再用舊牙刷刷一下後飛輪和大餅，wow~新既一樣！重新組裝好後，上油嚕～明顯是微帶黏性既油狀態，比wax的水狀態好落Ｄ，吾會滴晒落黎浪費晒。好空轉一下吧！嘩好感動～比wax更順更靜！Finish Line ProRoad - Ceramically樽上是三個icon，包太陽、雨雲和雪花，好全天侯下喎～希望不會太黏塵啦。

獨家試炒

終於都炒番獲，仲要係行過十幾廿次既洪水橋單車徑炒獲金！所以一時大意很高速入一個很急的S彎，巳經轉向不足了就諗住夾硬訓入彎心但給渠蓋凳起左後輪，一收break巳經鎖鈴響呔，跟手派牌成個連人帶車訓街。果下感覺到條腰撞左去行人路條石邊～好痛～！炒完就坐正路邊，隻腳kick住架車咁，呆左～車友問我邊度邊度有無事，我都重無回魂咁。腰背位磨損左，左腳失頭哥少少扭到之外都無乜野大損傷。阿俊在我後面目睹成個過程，佢話見我一派牌想訓果時我巳經放晒手，哈哈！我話我做開特技演員架麻，我諗住一訓低就由架車飛走架麻～睇番條路有成兩米煞車痕，如果我吾煞車可能撞上行人路仲金添。撿查下無乜大礙後就可以繼續去龍門居食飯去，返到屋企睇下塊鏡見到腰背位原來磨得好金下，應該無左忽肉，沖涼果時拿到我丫～今日天氣明顯涼了很多，著左外套踩果時Ｄ風吹到打冷震！阿俊下午著件T恤出去到晚上回來會合我地，所以佢就凍獲金！

玩過界

上兩個星期日同個車友阿俊由天水圍出發走去大埔，路線就先到錦田由錦田路轉入林錦公路途經林村到康樂園前的轉入大埔公路﹣大窩段便到太和了，林錦公路中途那條1:8大斜路真係羅你命三千～剛換了前雙餅後Roadbike九速超密齒比發輪，但前波變速機沒貨所以出到大埔裝番先用到小齒前餅，後發輪最大先得23T就梗係上吾到呢條黃金斜路！推啦老友～推到上頂都費了大半勁兼狂出汗，戲玉來下坡道同是1:8，下不到一半巳經55km，去到60幾車頭開始吾穩定了，要收掣了～大風吹到眼水都標埋，下坡尾聲諗住轉高波時因為無前波變速機所以甩鏈了。上番鏈踏多一會巳到大埔範圍的林村，我都係第一次去林村，估吾到會係踩單車去呢～那就當然停下參觀一下，古樹被寶帖肆虐得搖搖欲墜，五元祁個福點都幫襯下保個合家平安身體健康啦！


到左大埔都係用左一個半鐘左右，吾係好遠25km度，出來主要目的是裝前波變速機同換後鈴啤呤盒，捷成直頭比左隻新鈴我算～哈哈！整好晒都七點天黑了，趕住回程了，但走另一條路線，由粉錦公路去新田公路番落去青朗公路回錦田，點知原來是會繞大路兼多上落斜，我一時吾留意原來仲未食野，所以中途肚餓到體力透支了，仲有Ｄ想暈同開始失溫！阿俊叫我要頂到加州花園七仔呀，點知突然轉彎見到油站喎～我果刻真係好似見到綠洲咁！即刻沖入去snack shop整左條snacker同利賓納，我未試咁好食既snacker呀！休息一會，待回復正常後再繼續回程到元朗去～到達元朗同阿輝聚一聚之後，我同阿俊再踩去屯門晚飯後就回家了。我諗由天水圍直接踩番馬鞍山阿媽屋企都吾成問題了，可以一試！！

秋風起 打野味

秋天近了，上班時都要帶件外套上巴士。這段時節正是wargame旺季，好像巳停了兩年沒打過game了。呢條鎗帶幾吸引喎，一條好既鎗可以幫助殺敵，一條好既鎗帶更可以幫你在一天的wargame內省好多力！這是好重要，記得最初打game時只買了一支鎗一個匣一套爛軍服便了事，全日捧住支鎗通山跑，條路幾難行都要搵隻手拎鎗，都幾lei hei（呢個潮語點打既呢）我都要整番呢條鎗帶先，近排單車幫我提升左不少體能，再打番game應該好快適應到。

重疊

Minolta AF28-135 F4-4.5居然給我碰到，此鏡各方Minolta Fans風評甚好，是見光死系列(二手網上不消幾小時便賣了)。我是在二手店碰到的，外觀還算可以，只是有Minolta第一代AF鏡對焦環甩皮的老問題(絕不影響成像XD)。手上三支Minolta AF全是Zoom鏡，包括35-70, 24-105和這支28-135，焦段看來全都重疊了。我是想輕便還是選用24-105好了，因為28-135內全是玻璃鏡片加上金屬鏡身真用正重料之作。至於35-70是抵玩鏡仔，有恆定光圈影像紮實，附帶微距功能在70端，輕巧嬌小對焦快加上一貫Minolta老鏡味及油潤既散景才五佰多便可做鏡主嚕！至於24-105是我的主力鏡頭，輕便小巧，焦段好對焦行程明快，成像銳利，色彩比老鏡通透些但還是鮮艷，圓型光葉散景靚，不到二千價位巳有高出此價級別的相當表現很多。至於28-135圈內公認達Minolta G級的好鏡，以G鏡標準三規條一要色彩還原及飽和度高，二要成像通透銳利及焦外二線性漂亮，三為大光圈鏡。28-135除了不是大光圈外，色彩還原好飽和度高，28廣角至135中距內全焦段均通透銳利就連28-70G鏡也有所不及，鏡身結構紮實鏡片及鏡環連動𣈱順虛位少無不達當時G鏡之水平。喜愛Pentax及Minolta是他們均是價錢平民級但用出來的鏡就超高水準以上的級別，不過這兩家良心相機廠現在巳成絕唱嚕～！下個目標要找支定焦大光圈既Minolta鏡了，AF50 1.4及AF85 1.4我在盯嚕。

奇怪的訪客人數

停左寫野都個多月了，剛由icable轉用HKBD既BB25，一個月打三次風，好煩吾想寫野，好悶無野寫，就算晚上得閒又同車友走去踩車。原因好多... 但我當初開blog係本住練下寫野，又等身邊既人了解下我既近況(由其一年見得幾次，出來一次又要得到批準果Ｄ)，同您地分享下我的興趣和生活迭事，也借個便作個生活紀錄云云咁。前陣子公主(仲有幾個月就係人地母後嚕^.^)在MSN向我求教一下點係個blog加個counter，我唯有一路試一路教，總算成功教到佢加左上去，這樣我也無啦啦多左counter在我的blog。實情我都吾知會有幾多人和那些人會看我blog，但我發現每天都有十幾人光顧，人數吾多但我相信大部份是我的好友，就算您們只要用到我post出來link去看別的，都會瞄瞄我的口水文掛，也巳經和我分享了一些事情了～謝嚕！！

機動警察-Movie2 玩具又黎

Peacemaker和平號都仲未入手，期實我真係買少左好多玩具連睇也少。連呢陸上自衛隊既屏風角色都出，CM's廠既人同我一樣都幾鐘意機動警察喎！無計我是一個機械人痴漢，剛上映既WALL-E勁好睇，佢同Iron Man我都比五粒星咁好睇！細細個好鐘意既Robocop會重拍，我好期待呢～

新女上場

星期日過左去睇阿玉個囡囡，兩個大了～勁細粒！估吾到我地成班中學朋友中會係阿玉生仔先，BB女妳要健健康康好幸福咁成長，哥哥得閒會黎抱抱架啦！！

外帶出走

終於在上星期完成第一次外帶小摺遊，先在家樓下乘巴士到沙田會合填飽一下。開始去第一站大埔捷成單車行，基本上大圍沙田大埔馬鞍山熟路得很了，此終以前踩太多了。到了捷成，居然佢入左市面難尋的Schwalbe Stelvio既20吋幼呔，全黑275蚊一條！老闆娘話前後外內呔連裝$580，唉～忍吾住啦！由於係高壓呔所以要換呔塾加＄40。換完成架車個樣跑左好多，即刻拿拿淋走去大美督試車，真係好順好慳力同好好去。由於咪錶要調校過，所以吾知快到幾多，但可以肯定係架車登左～無計因為我架車係硬架，同無左粗呔既吸震能力！輪徑細左所以起圍快真爽。在大美督Tea完就出番沙田禾輋冬菇亭dinner！出到去佢地死咁滯要食完打的番去，咁Chris車埋我去荃灣西鐵站，我就坐西鐵番到天水圍站再踩番屋企。第二日Chris同Alvin話倦到成個廢人咁，我就睡醒乜事都無，如果吾係幼呔我可能都會吾掂。我地咁就一日踩左70公里嚕，老實說沙田大埔Ｄ單車徑好踩好多不但好平順而且很少障礙物又夠長風景又靚！

袋袋平安

終於的起心肝買番個摺車袋，係時候去下其他地方踏下。係Yahoo Bid用佰五蚊買的全新Dahon原廠車袋，架車換左SDG i-beam座位同seat通，也換左MKS快拆bearing腳踏都輕左1kg。個bearing踏真係好順同好咬腳，只是有時反轉左底面時要轉番好佢就最咬腳～等條呔蝕得七七八八就可以換埋幼呔，令架車可以再輕Ｄ，磨擦面細左咁架車更好去更省力。星期日預定同阿chris Alvin去沙田踩車去大埔，好耐都無係沙田踩單車嚕，好懷念中學成日踩住架車同班死黨周圍去～買舊brake膠又去大圍，買條迫力線又去大埔，總知濕之娃娃想買都當籍口去踩餐飽！

巡舖

昨晚要到朗豪坊無印買100枝鋁質原子筆，之後在旺角諗左好耐都吾知食乜，於是同阿Chris落尖沙咀定食のどらや吃我最愛的香蔥藍鯨吞拿魚腩蓉定食！尖沙咀是跟茶碗蒸的，即是日式茶杯燉蛋，而銅鑼灣店是玉子卷。加左價了，盛惠88蚊！但換來多番Ｄ魚肉，因為先前好像有減過份量以增加利潤的情況，我情願俾多這十蚊來換個十全十美。茶碗蒸今次沒上次好吃，好在香蔥藍鯨吞拿魚腩蓉飯保持水準以上～買88蚊也絕對值，讚呀！！

我部車去左傳聖火

火炬手杨艳丽在接受记者采访时说“或许是天意，让我圆了24年的梦”。出身于自行车运动世家的她自小与自行车结下不解之缘，膝盖意外受伤让她不能按原计划跑步传递火炬，而宝贵的火炬手资格则无论如何不能放弃。经过向北京奥运会火炬传递组织部门申请，杨艳丽被允许骑自行车传递火炬。据了解，用自行车传递圣火是2008年北京奥运会火炬传递中首次采用。这辆大行Speed P8折叠自行车带着火炬手的使命完成了一个自行车爱好者24年的梦想，受到了全世界的瞩目，光荣地完成了它三十多米的辉煌，成为自行车界的明星。

砍掉

幾經辛苦才將八佰多張相片砍掉大半，纖體後只凈餘二佰多張～上傳至一半個loader quit左，今晚再上傳好了！多有多好，可以篩選一下，有些也只用作記錄。今次用數碼機從中學會多些曝光的技巧，也了解多了測光和閃光運用～將來希望作品可以更完美！

Good Morning Vietnam

SONY矚目新燈～新登場！

雖然依家用數碼單反用Sony Alpha會被人喵，但繼承Minolta單反技術和卓越的Alpha鏡頭群加上Sony先進的電子開發技術，Alpha在數碼單反越來越有競爭力。在大家惜目以侍Sony的全片幅數碼單反時，巳率先推出了Zeiss 24-70mm F2.8 SSM鏡和HVL-F542AM閃光燈，現在還推出GN達58的旗艦閃光燈HVL-F58AM。去越南之時巳很想買HVL-F56AM，反正遲下也要幫阿玉影下婚禮相，但通街都無貨。坊間還傳聞會停產云云，但買HVL-F42AM打BOUNCE又吾夠力！原本打算買Metz 58AF-1，火力夠又有子母燈設計忡可以用USB隨時update，聽聞輸出同色彩溫都好準下，我阿爸以前用Minolta手動年代也是配Metz燈的～但Sony今次推出這支HVL-F58AM，左右90度旋轉以配合垂直時拍攝真是一個很好的設計，只要把燈頭向外一轉，燈背的屏幕也會一起轉動，令垂直拍攝時要調校和查看都很方便！另一獨門絕招白平衡資料交換，跟據相機的白平衡設定一拼加進用以計算閃光輸出量，同時強化了手動摸式。Metz 58AF-1街價要三千三佰，相信Sony這支也要咁上下，但功能相約個樣我覺得Sony型仔好多。如果真係買for Sony/Minotla閃燈佢真係不二之選，只是希望佢會向下兼容埋Minolta Film Dynax/Digital Dynax吧～

超低能屎尿屁特工隊

太陽出來了～星期六梗係落灘補補色先，不記得是否有一個月雨一直下了，所有室外活動休止了。是一個納悶的月份，好在去了越南行開下咁。在烈日當空的三星灣，大家無無聊聊說起前幾天收到的爛Gag Email，大家就笑了大半天。之後還興起去看一齣超低能特工隊，這類片子我從不會想到戲院看的，可能看過爆好睇的Ironman同還可以的Hulk加上半天的爛Gag驅使吧！這片子片長很短，70分鐘左右便完，這個時限之內屎尿屁無休止轟炸，基本上在看西版王晶片一樣～但此終得到吾知笑乜既快樂既！

this SUMMER

係時間轉用今年既CK One Summer嚕，西瓜幾清爽～正！早上沖完涼出門之前噴上一身西瓜氣味，yeah～搭車都好訓Ｄ！

生於六月十日

六月十日正是我的生日，今年在越南渡過了我的生日～很開心！那天同是iPhone 3G的發佈日，終於等到香港行貨的來臨，價格更是驚喜震撼價～但今次不可獨自購買回來用，要從網絡商約簽約購買，意思就是獨財主意嚕～

Good Morning Vietnam

越南都幾好玩，它以前也是個共產主意國家。今次去是南越的胡志明市，濃厚的殖民地色彩，法式建築比比皆是。發展不及曼谷繁盛，但反令其保存有更多特色。今次問ah Chris借左佢部Sony Alpha300 DSLR去用，全程用自己支Minolta AF24-105，影左800幾張相，所以還在努力整理中。終於感受到數碼的好處和可怕的攝影方式了～

Sabah✈08

今年公司旅行既沙巴之旅，圓滿結束。其實覺得似去左黃金海岸咁，較似馬來西亞是第三晚去市中心食肉骨茶那時，但吾知點解四圍的當地人都會講和聽得懂廣東話～地方都沙灘多，所以也不多拍照！今次為了輕裝上陣只帶了Minolta D7+24-105，可惡左下角神秘的綠光bar還在看來菲林檢視窗不能用了，反而新入手的玩具級Kenko DC仔有Ｄ驚喜，又不知為何好慳電下～兩粒AAA電不需慳住用也可以用上好幾日，影出來的都是帶點不正常但有趣的色調，手動三級焦距很好玩；想sharp或blur都可以在mon先預知一下，唯是因為得ISO100太暗便拍不到。好！去相～！！

Sabah✈08

Company Trip 2008

今年公司旅行是去沙巴，之前二月巳傳聞很久都無公布，起初聽聞是有三個選擇的包括台灣、越南和星加坡的。最後公佈係無得揀，星期四便去沙巴了，剛剛星期日都去多次長沙等身體晒多一下。今次只有陽光與海灘，少了曼谷多姿多彩的活動。但間酒店超靚，仲要係香格里拉添～都有番咁上下氣派嘰，希望今年抽獎抽到Ｄ好野啦！上年食晒白果。出發前一日要到拍條片，日間拍廠景晚間再到又一城睇怕都要三四點先走，好在第二日下午三點機，都未諗好帶咩相機去好～

用自転車替換一雙腿

星期五farewell edmond去左北角渣華道東寶吃晚飯，到過那兒的人都清楚那處最出名不是什麼名菜而是戰鬥碗吧～我們一行廿幾人我想前後叫了廿枝啤酒都有，由於銷情熱烈，由哈爾濱到燕京、喜力及喜士伯都飲過。像是試酒大會似的，不過喜士伯真的幾難入口的，我覺得哈爾濱不錯的！飯後相約好要到Halo大坑新居玩，嘩～硬的來了～！！Volka出場，由於在天台上環境不錯，大家都玩得紅起來！送埋Kato同新同事回來都六點=.=今天起來都兩點了，有點宿醉！見終於出番太陽，好一於騎過車出出汗，先到元朗吃東東先，元朗有很多食肆都在馬路旁的，所以一下車坐下便吃超方便～填飽肚，體力充足四圍踩踩，市中心有時要走馬路但不太危險的，當自己在駕私家車一樣的注意交通情況及駛近路旁便ok！再到昌禕想裝個咪錶看看，老板娘介紹左兩個cateye的Valo5黑色和新版銀色Valo8，都是有線版的。都不過兩佰的選擇，我覺得Valo8較好，因為多了Average Speed但我想要黑色的舊版。老板娘幫我在倉找找，再Call我。昌禕售後服務真的很好，免費Tune車又吾會硬要介紹Ｄ貴野，只會看你的需要真好！之後就回家了，朗屏到天水圍西鐵站那段最好爆，可以上到八波發盡全力去踩。成身汗回到家沖番涼好爽～正

SP8成雙

計劃巳久要添置單車終在今日入手完成，下午等我既隊員巨熊Chris入來元朗選購我地愛驅。其實之前我地都研究好是買SP8，點知今日到舖時居然SP9都番埋貨就連首次到港的雙中餅SP16都黎埋～即時令到我地頭痛不而，最後都係價格先決模式選了SP8。我選我最愛的紅色Chris就黑色，佢果部又係新到的磨沙黑，幾靚下又潮可惜番得一部，算可以襯得起我部火紅色SP8啦！放棄雙中餅都係覺得我地都吾多會玩大斜路，真係玩到咁激不如入大車算吧！買摺車一來想慳位，兩來可以方便上大型交通公具帶住佢四圍去踩下咁。今買左車之後在元朗四圍踩，但今日天色不太好，總想下雨似的。最後到元朗新記吃吃雞粥，就踩番屋企收工！暫時兩車都放在我家，首要買個車袋、燈同咪表，之後至改車！今日我同Chris都有試SP9，吾知關吾關SRAM X9事總覺得好踩Ｄ。

CONTAX TVS

原本諗住買的便是Fujifilm DL Super Mini Zoom，此機和正在當紅的Natura Classic同是用28-56mm Super EBC鍍膜鏡，只是輸在光圈不比Natura的大。但機身用料便是全金屬包著機身的DL勝了，在Y拍看到一部價位不高的DL，碰巧老死同時看上。小的當然讓路，唯有讓友人得閒帶她出來把玩下吧～再在Y拍逛著，看到這部也是28-56mm的CONTAX TVS第一代，此系列共有三代同是Carl Zeiss Vario Sonnar T*鍍膜鏡。TVS名字是取自T*鍍膜和Vario Sonnar鏡頭設計的頭一個字，光圈值為3.5-6.5！這機塊頭不小，雖巳是全鈦合金機身但也有番咁上下重量，反正有GR1s這輕便大將在。所有部件實淨穩固包括可直接手動擰個鏡頭來變焦的鏡頭組，這設計既好玩也實用！這機對焦很快且準加上對焦輔助燈在極黑暗下也依然，基本半按對焦短得可以和按到底一氣呵成，觀景器內能顯示精確快門速度最令我讚賞，我挺喜歡CONTAX的簡約帶點高貴的設計，買此機時巳跟UV MC Filter, Metal Hood, Metal Hood Cap和除原機跟的保護套還有一個可令TVS橫向掛頸的超靚皮套！正，Perfect!!

死俾你睇

近來大陸通脹很高很快，上海等大城市急促發展。公仔也支持不了，一於死俾你睇！終於整理好上海之旅的相片也掉到Flickr去了，再不上載的話，可能到我死俾大家睇吧～

上海．申
蘇州．同里．朱家角

殺呀～

繼上星期五同班同事去黃埔打保齡仲要到劉德華、苗喬偉同黃日華添，打完隻手痛左幾日。今個星期五升級到觀塘工廠大廈內打wargame添～今次輪到腰痛腳痛嚕！個場都吾錯嘰，仲可以熄晒Ｄ燈得番好有架步feel既neon light～佢地可以租架生比人的，60蚊包一支MP5K電槍連一匣、一個面罩、一套衫和頭盔一頂。人場費就每人180，吾算平！！但都幾好玩，好彩自己有帶Hand Gun去，如果吾係用K仔單發死硬～因為另一班LB人有幾個係用Hi-Cap添！我帶Cz75用Topgas都吾穿罐但都好過佢地用K仔，下次我一定用Hi-Cap～

CK One Summer 2008

2008的CK Summer是冰藍色光面透明的樽身，瓶子設計都依舊一樣扁平的酒樽型。我最愛是2006版上藍下綠那色調加上磨沙的清新悠然感覺，還用上青檸作主幹，香味也是我最愛的一款。那上紅下綠那瓶很像我喜歡的花﹣天堂鳥。上年的柑橘味太剌鼻所以沒買了，今年以西瓜為主題，應該不錯的～未知香港進貨了嗎？真想全都擁有，但沒可能全都用得完吧。

十七蚊

零晨四時
醒了
原來有蚊了
雙腳針了十幾顆又紅又大的

零晨五時
燈開了
可惡，找不到牠
開動冷氣
也開了熱昇華蚊水器

零晨六時
再睡
醒了，巳是十一時
呵呵

再con Flickr

終於都提起勁去俾錢upgrade番個Flickr去Pro，upload番上次中區警署Ｄ相。上海那些等星期六再upload，開左兩晚夜好睏呢～

中區警署古蹟群Ｘ再織城市

你又升值了

上海之旅罷工的GR1s要入廠去，手術費$950。老友你身價又貴左啦～雖然肉赤，但還是值得我去整既。維修部話我用左六年先壞巳經好勁，話我部機都keep得幾好添，希望整好之後長命百歲啦！！

夏天啦嘛

上星期巳留意天氣報告，巳鎖定星期日要去海灘晒過太陽之得。果真太陽出來了，即刻夾埋阿Chris落長沙嘆下先～好耐無去過長沙嚕，上年去西貢白沙灣多。我鐘意長沙個灘好大，沖身又多位又靚，也不多人來迫爆個灘。不過首位係三星灣真係好靚，只是沖身設備很不濟又少位仲要吾係淡水～今次志在晒下先，無落水怕水凍但係沖身Ｄ水仲凍，好似雪過咁吾通有冰冷裝置！？夏天來嚕

老相機

放左十幾日假，當中擺了玩具日兩日又去左六天上海旅行，好似仲忙過平日，今日先得閒update下呢度。部Lomo LC-A在玩具日跌左落地下，機身菲林倉門彈開左～菲林走光了！我都係第一次試，好在Ｄ相沒什重要的。阿健仲話我跌左LC-A落地都吾肉痛似的，都係架～LC-A我都好少用的，跌其他的話我實勁吾開心！部dynax7又未整好，去上海我帶左MZ-S加FA*85同Ricoh 28F2.8XR，再拎埋GR1s去。開頭用支77公主加GR1s既28mm勁方便，好景不常中途GR1s光圈同快門掛掉又罷工了！GR1s老了～又等著去送修。近排部部相機都發生不如意事件，唉！

貓大哥的熱帶魚店

這位貓大哥住在元朗，前舖後居。看牠身型便知不愁衣食了吧！一於過喜愛的生活，養養自己喜愛的魚來觀賞，娛己也娛人。這位大哥身型和老死的長尾可謂不相伯仲~.~

蘭花覽

我很喜歡蘭花的雅致，也愛其清幽香味。

新春假期最後一天到沙田大會堂的香港中華蘭花協會第廿屆春季蘭花展覽，觀賞蘭花也順道拍拍照。很久沒用賓得拍東東，用慣了Minolta Dynax7之後再用上Pentax MZ-S的自動對焦慢得很，不過今次拍花也不太倚賴自動對焦～場地是室內且燈光不算很好，也有不少拍友到場但奇怪沒有人用三腳架的呢！？我也只好手持拍嚕。

先用A35-70mm F4 Macro拍，可以拍花的特寫但４光圈太細了快門十份一秒也不到，如用內閃定會爆光了，好！轉用FA*85mm F1.4，開盡光圈才獲得1/30左右快門，不過盡開光圈的FA*85mm景深短得很而且對焦距離也要有0.75米以上才能工作。全程影左一筒，少過一半可以用～不過FA*85的成像往往令人喜出望外的！

20th Orchid Exhibition 2008

劇場組合::萬千師奶賀台慶

星期天和標去左演藝睇林奕華X詹瑞文的舞台劇，無錯係舞台劇而吾係棟篤笑。我吾知點解坐我格離位人兄變左部好易通語言複讀機，佢認為大家聽吾到定係佢以為得佢明咁巴閉呢～吾係佢我會睇得更開心，我好吾鐘意不論睇舞台劇或電影時談話，我自己亦不喜歡在巴士上傾電話的！

大家請停止魚趐撈飯

每次到泰國曼谷都會到唐人街南星食趐的，原來香港都有的！昨晚和Chris行完旺角，想買的Pioneer DVD機無貨於是去食餐好，之前巳聽過他說有魚趐撈飯吃。正好都在附近，便去吧！一看，噢！原來是南星～味道和曼谷都一樣。很好味！但今天回想起，不是宣傳大家停止吃趐的嗎～哎吔我都忘了！對不起呢～鯊魚先生，我會戒的了。其實可以用其他代替那個趐嗎！？個汁撈飯好好食呀。

JAZZ :: Ornette Coleman

好想睇呢^ ^雖然我不認識歐奈．柯爾，但聽JAZZ就是不認識也不要緊。只須一會便會跟拍子走由其是聽Live，我想睇這個多過Santana呢！

2008年2月28-29日
香港文化中心音樂廳

歐奈．柯爾曼是當今炙手可熱的爵士樂手。50多年的音樂生涯，柯爾曼活力未減，音樂創意不斷。2006年推出前一年音樂會現場灌錄新碟《Sound Grammar》，獲高度評價。2007年，柯爾曼憑《Sound Grammar》獲一年一度的普立茲音樂獎，而他亦成為該獎項60多年歷史以來獲獎的第二位爵士樂手。同年更囊括格林美，及由四百多位傳媒票選為年度爵士音樂家，成為去年最矚目的樂手之一。

1950年代，爵士樂界刮起改革之風，樂器間不講主次，講求平等，音樂講求創新變化之聲不斷。柯爾曼當時以先知的姿態，推出幾張大碟，震撼整個樂壇。直至1960年，一眾樂手響應着這股自由之風，柯爾曼即成為改革運動的靈魂人物。時年77歲的柯爾曼，2008年再次上路，香港藝術節是亞洲演出重要一站。他獨特的雙低音組合，今次更會再加多一人，勢成為爵士樂團的另一創舉。

《紐約時報》形容柯爾曼是「碩果僅存的爵士樂大師」，這次柯爾曼訪港演出，不容錯過。

PENTAX星鏡大軍結集

Pentax最新發佈五支DA鏡上市，其中兩支更是攝影痴漢恩物的定焦長距大炮。兩支大炮200mm/2.8和300mm/4均為頂上級的DA*鏡，和兩支巳上市的變焦DA*16-50mm/2.8及50-135mm/2.8一樣內置SDM超寧靜高速對焦驅動馬達，我想以後凡是DA*便一定有SDM了，不久更會推出DA*55mm/1.4SDM來頂替FA*85mm/1.4之空位。至於另外一支DA18-55mm/3.5-5.6AL II是增加了一片ED鏡片的改良型，55-300mm/4-5.8ED則是內含兩片低色散ED鏡片中級長距變焦鏡，至第五支就DA Limited系列的第四彈嚕～先前頭三彈都是FA Limited 31mm1.8/43mm1.9/77mm1.8三公主的DA版，就是DA Limited 21mm3.2/40mm2.8/70mm2.4。這支全新概念鏡頭是DA 35mm2.8 Marco Limited，由於的Corp Factor正好用以湊合50mm微距的空檔。外型和DA70 Limited幾成孖生兄弟，放大比率1：1而鏡重215克那麼多帶一支無妨，此鏡如可用在Film Body上焦距也太短吧！同時賓得也推出兩部新DSLR K20D和K200D的升級版相機，K20D用上全新自研的14.6CMOS傳感器，據聞此乃三星代產的CMOS比同是APS-C面積的SONY 12.0CMOS有更高像素和更廣闊的受光角度，使鏡頭有更好的發揮本身光學成像。PMA08快到了，今年各廠都拼了命推出產品那市場真能全數吸納嗎？這次數碼年代的相機大戰又會令現時的相機市場有著怎樣的變化呢，各廠在入門機種競爭白熱化起來。SONY也動作頻頻，一大批全幅鏡等著上場那麼SONY的全片幅機種也快來了，恐怕又是一場腥風血雨的大戰。至於我還是騎在PENTAX與MINOLTA/SONY之間觀望著，真是難定主意呀～

你聽到嗎？集結號在吹啊

週未剛看過〔集結號〕，呢齣以中國解放戰爭期間一九四八年的國共內戰，一連連長老谷接到三團團長的命令，帶領士兵火速趕往陣地完成一項阻擊任務，以便讓大部隊安全轉移。他們約好一連聽到集結號後，就可以突圍撤退。開首戰事的真實感和震撼感十足，不知怎的看下去就忍不住掉下淚來，我在看都掉下淚好幾片。可能這些人和事都是百份百中國人，沒有比中國人自己的戰事更會容易投入和理解吧～坐在我旁的阿雯也有哭吧，佢老公都也許有吧。在香港集結號和投名狀大家多是選看投名狀，為的不是劉德華便是金城武，我覺得要是錯過集結號這片子實在太可惜了。看完電影之後到旺角兆萬超人看玩具時碰到Carmen，她說好耐無見真係好耐無見了，至少兩年沒直接見過面呢！其實當中又是兆萬碰過她和她男友仔背影一次呢，又係兆萬丫是否我到兆萬便可找到妳呢～哈哈！在寒喧一番之後想起上次她要我找人幫她完成問卷有Nike+的東東，但一件都無收過呢～她不好意思的說當是欠住我先，唉！石沉大海多嚕！見她男友在旁都不多聊了，記住我會討回我的Nike+呀～

老友，你走光喎！

剛入手的Dynax7同AF24-105mm (D)拿了去南生圍開光，相片出來左下角有一條綠色的光，全都在同一位置。研究了一陣子該是機背有入光，可能是菲林窗那處。下次用膠紙封住再試試看吧，希望是個少問題吧～南生圍真是一個不錯的地方，什麼都沒有只有一片空、水和金黃色的野蘆葦。那橫水渡的大叔收你五塊錢笑不合攏的送到對岸，這不消一分鐘的時間便可到對岸，可愛的阿花同阿皮等著歡迎你哦～下午到此乘著冬日的涼意，享受陽光的溫暖之外還照出金黃色的一大片野蘆葦。

南生圍

Santana Live in Hong Kong 2008

--------------------------------
07 March 2008 / 08:00pm
亞洲國際博覽館ARENA
HK$890, HK$590, HK$390
--------------------------------



正呀！佢都幾鐘意黎香港喎，咁快又黎～不過吾知道佢會有那位做他的嘉賓呢，不會是停風吧=.='我都幾想睇，仲有邊個有興趣呢～