九月貓 半格蛇王

深水埗 南昌街 某蛇王舖
19.09.2009

攝自Olympus Pen FT 38mm f1.8
半格機真係慳菲林，一格菲林，兩個房間真有趣

八月貓 黑月

南山村 平台商場
01.08.2009

頂硬

剛轉了新公司巳一個月多，忙翻天

一天當兩天用，一人分飾多角

線以上、線以下、在線，三修同行

情況再惡劣，依然要企得硬

時間再短絀，依然博命偷

同事受了冤枉氣，哭了

自己也是泥菩薩，愛莫能助

唯有精神不死，方能專業到底。

七月貓 𡃁毛

旺角 花園街 同榮單車
25.07.2009

𡃁模火熱大戰，我都係影下呢堆含蓄Ｄ既𡃁毛算～

上鎖

話晒我部Baby GIOS都算roadbike，都係時換對Lock踏喇！留意很久，喜歡意大利的LOOK Keo lock pedal，旺角同榮是代理LOOK同SIDI的，唯有出去同榮一趟。用lock踏自然要穿lock鞋，選上SIDI T2三鐵lock鞋是因為靚。Lock踏好用之處便是雙腳和單車傳動緊密連結在一起，這樣可以將下踏、上提、前推、後拉全部力量給充份利用也不怕雙腳劃圓時踏空腳引致受傷。但可怕之處也正是既要上鎖那自然要解鎖吧，一旦停車時沒脫出的話，哈哈～連人帶車訓街吧！解了右腳但車子重心向左的話，哈哈～連人帶車訓街吧！上斜不夠力定了捍的話，哈哈～連人帶車訓街吧！所以沒有初用者能逃過訓街的魔咒，用lock踏的大家心裡都默念著我用緊lock踏～用緊lock踏～用緊lock踏～吾脫卡死梗！！

六月貓 偉嘉

日本 京都 四條橋附近
09.06.2009

^ ^/日本Ｄ家貓真係好可愛又靚，你睇成偉嘉罐頭果隻咁精靈～

2010 FORCE

SRAM既RIVAL剛轉左款，升級左STI鎗手用carbon同成set轉左黑色，奇怪～今年興黑色件咩？今年Shimano套105又係轉用黑色的。明年2010到SRAM FORCE 轉款，嘩！不得了～全套用鈦灰色，設計跟頂級既RED一樣咁滯，只是變左黑白色調，個拉花隱約見到大Ｆ圖案。我覺得比RED更靚更易襯車，用來襯我部GIOS PANTO應該好正！其實之後都會打算幫PANTO升級，呢套FORCE應該是不二之選，反正吾想用Shimano野。原本巳考慮性價比極高既SRAM RIVAL，但黑色我吾多鐘意。希望SRAM FORCE套Group set吾好太貴，因為呢排Ｄ單車野狂加價，仲有時間比我集下資等佢出！

索Ｋ

賓得部新機K7，真係可以索到不得了！機型似足手動年代般小巧且硬朗線條，不鏽鋼結構加上鎂合金骨架包裹並77條防水膠邊真是用料上乘。個Spec終於肯大改進，100﹪視野、十一點自動對焦中九點為十字型、最高每秒5.2幅連拍、720p高清攝錄、3吋92萬像可自行調校色溫LCD顯示屏、對焦輔助燈（重要係綠色添），硬件上巳做到足晒本加埋K-m既數碼filter又多ＤＤ野玩下咁～連兩支新既Kit都玩埋防水，對焦環重用返以前常見的正方粒粒膠帶，即刻古早味爆燈～型到呢！


外型和大少都同FA Limited或DA Limited鏡襯到絕！Pentax系統我巳經全部清出，其實得支FA*85 1.4同MZ-S機身為好野之外都搵吾到其他鏡，原本必入的主力鏡24-90讓朋友先要了，又不想同時玩兩三個系統～所以保留了Konica Hexanon AR和Minolta Alpha。玩賓得真係點都要入下FA三支造功畫質及手感上乘既定焦31、43、77人稱三公主既limited鏡玩，雖然FA*85 1.4真係一支人像極品鏡但真係好重下，每次帶佢都增加不少負重。好多賓友都鐘愛佢既出品少巧輕便，所以今次K7是同級中最輕細緊緻的。

不過呢排捷成將Ｄ鏡既價推得好高，由其係FA Limited，Pentax變得無咁抵用。如果吾係都想等佢平Ｄ時整套K7 Kit set再入Ｄ公主玩下～haha

五月貓 愁

尖沙咀 信義街 某菜檔

16.05.2009

p.s.我決定畀自己做個長作，選出每月之貓

遠征

五一假期上左大陸開平展開第一次踏單車旅行，預定四天行程由香港搭車到羅湖乘大巴到開平->開平雕樓->江門->中山->虎門，在虎門搭番大巴回港。原本可以虎門多踩一日便可到深圳，但我們選擇停留一日在開平好好遊玩！成個過程由隊員至目的地及行程只是出發前兩日內發生，遲些再開番flickr上傳好相片做番個小遊記吧～近排去完之後呢個旅遊慣了早訓早起，親公司呢排吾洗點ＯＴ便繼續下去吧！人都精神左好多呢，好睏嚕去睡了。

血統

終於都入手第二部車，這車是二手入購回來的，上手車主三月中買的有單有說明書，佢踩過幾次但巳換了3T drop bar、3T頭頸和3T白色手把帶，THOMSON座位捍和San Marco黑白坐椅，基本上巳幫我襯好黑白配藍，最後還配上原廠漂亮水壼一個。這些以是值幾千元的上等好料，加上8800的車價巳萬多元的精品小跑車，由於車主求售心切，一開價只是9000元我巳食指大動，我多想兩天巳劈價到8000元，第二天早上再改為7500我無法抗拒了敗了他回來，最後7300元收為己有。真係同新車一樣～由於收車是星期五晚上在沙田交易，只好call van帶佢返屋企嚕！

這部GIOS PANTO小輪徑可是我考量很久最想買的車。GIOS香港現在是沒有代理的，所以這車沒那幾間單車店入貨就是，這部是太子bikecity入的，暫時香港應該不多過十部的罕有品種。GIOS是超過六十年歷史的意大利競賽單車老牌，GIOS小輪徑車主要是意大利設計為給日本市場，而車子是台灣主力生產，所以只有設計上是意大利GIOS的血統。騎了Dahon SP8成年，知道清楚下一部要的車要是Roadbike傳動，Roadbike的彎把手，車架還是喜歡鋼架的耐用及吸震性，比20" 406大一點的輪子，但又不想買Roadbike這樣龐大的車子。PANTO正好符合以上的要求，Roadbike鑽石型配以高碳雙抽鋼管車架、澳洲VELOCITY 451小刀式bearing破風鈴配台灣Kenda 1"跑呔、尚算夠用的Full set Shimano Tiagra等級傳動和製動系統，如果用上105級別的十連速會更好！

騎了幾天，Tiagra還算暢順好用，對Velocity刀鈴真是很順滑，3T人體工學drop bar十分好握，平坦路上順著姿體向下keep30km/hr完全無問題，上40km/hr也不太費力我想要向50km/hr進發的話PANTO絕對可以～